08 Jan Am richtege Liicht: Architektur-Fotografie
Ästhetik, Design, Konscht, Inspiratioun – Architektur-Fotografie ass vill méi wéi “just e Bild vun engem Haus”. Als professionell Fotografen zu Lëtzebuerg presentéiere mir Äre Projet a visuell attraktiven Opnamen.
Architektur-Fotografie ka souwuel bannen wi bausse stattfannen an enthält eng Vilfalt vun Sujete wéi Héichhaiser, historesch Gebaier, Brécken, Kierchen, Muséeën, kommerziell Immobilien, Privatheiser a villes méi. E professionelle Fotograf weess wéi hien di architektonesch Elementer vun engem Gebai ënnersträicht, wärend Kompositioun, Liicht a Perspektiv vun der Foto berécksiichtegt ginn.
Et geet drëm, d’Gebai esou ze placéieren an ze cadréieren, datt en equilibréiert Bild entsteet. Bei Immobilie-Fotoen huet de Fotgraf wéineg Afloss op d’Motiv – dofir sin séng Entscheedungen iwer Kompostioun a Beliichtung während dem Fotoshooting immens wichteg. D’Benotzung vu Linnen, Formen a Symmetrie hëlleft, eng staark Kompositioun ze erreechen. Och d’Wiel vun der Perspektiv beaflosst den Effekt vum Bild. Ganz entscheedend an der Architektur-Fotografie ass d’Liicht an den Emgang mat Dageszäit a Wierderbedéngungen. De richtegen Timing am Laf vum Dag ass wichteg fir vum natierleche Liicht ze profitéieren, grad esou wéi de richtege Moment am Joer. Staark Schieter sinn oft grad esou onerwënscht wéi Beem ouni Blieder a weider stéierend Détailer.
An der Architekturfotografie stinn awer net ëmmer déi kënschtleresch Aspekter am Virdergrond. Vill Clientë wëllen datt Gebaier oder Immobilien – fir kommerziell Zwecker – op engem kloren Dag a méiglechst wierklechkeetsnoo fotograféiert hunn.
D’Wëssen em déi Faktoren, déi mir als haaptberufflech Fotografen berécksiichtegen, mécht den Ënnerscheed tëscht engem duerchschnëttleche Schoss an engem beandrockende Bild. Zesumme fanne mir déi perfekt Inzenéierung fir Äre Projet.
